కౌండిన్య నది కాలువలో పూడికతీత పనులపై విచారణ చేయాలి

అన్నమయ్య జిల్లా :

పుంగనూరు :

కౌండిన్య వంక పూడికతీత పనుల్లో అవకతవకలు, ప్రజాధనం వృధా కాకుండా చర్యలు తీసుకోవాలని విన్నవించుకున్న సామాజిక కార్యకర్తలు,
​పుంగనూరు పట్టణ పరిధిలోని కౌండిన్య నది వంకలో జరుగుతున్న పూడికతీత పనుల అస్తవ్యస్త విధానం ఉందని
​గత కొంతకాలంగా మున్సిపాలిటీ ఆధ్వర్యంలో కౌండిన్య వంకలో మట్టి తీసే కార్యక్రమం జరుగుతోందని అయితే, వంక నుండి తీసిన మట్టిని నిబంధనల ప్రకారం వేరే ప్రాంతానికి తరలించాల్సి ఉండగా, కాంట్రాక్టర్లు ఆ మట్టిని వంకకు అతి సమీపంలోనే (ప్రక్కనే) కుప్పలుగా పోస్తున్నారని దీనివల్ల చిన్నపాటి వర్షం రాగానే ఆ మట్టి అంతా తిరిగి వంకలోనే కొట్టుకుపోతోందని
​ఇప్పటికే ఇదే వంకలో మూడు సార్లు మట్టి తీయడం, ఆ మట్టి మరలా వంకలోనే పడటం జరిగిందని
దీనివల్ల వంక విస్తరణకు ఎటువంటి ప్రయోజనం చేకూరకపోగా, ప్రజల సొమ్ము మాత్రం బిల్లుల రూపంలో వృధా అవుతోందని కేవలం బిల్లులు క్లియర్ చేసుకోవడానికే ఈ పనులు చేస్తున్నట్లు స్పష్టంగా కనిపిస్తోందని
​ తక్షణమే స్పందించి, క్షేత్రస్థాయిలో పరిశీలన జరపాలని ఇకపై తీసిన మట్టిని వంకకు దూరంగా తరలించేలా చూడాలని, అలాగే గత మూడు సార్లు జరిగిన పనుల వ్యయంపై మరియు అవినీతిపై నిష్పాక్షిక విచారణ జరిపించాలని సామాజిక కార్యకర్తలు
అయుబ్ ఖాన్, నరసింహులు తెలిపారు